leoni

Zëvendësministrja Zogaj-Gashi vizitoi Podgoricën

06/10/2016 Institucionet

Zëvendësministrja e Zhvillimit Ekonomik, Besa Zogaj-Gashi,  së bashku me bashkëpunëtorë zhvilloi një vizitë zyrtare në Podgoricë, ku takoi Zëvendësministren e Shoqërisë Informatike dhe Telekomunikacionit, Ratka Strugar.

Gjatë takimit, Zëvendësministrja Zogaj Gashi e njoftoi homologen Stugar për nismën e MZHE për një projekt të përbashkët në fushën e TIK-ut, me theks të veçantë gratë në TIK, i cili ka për qëllim fuqizimin ekonomik të grave, respektivisht rritjen e shkallës së punësimit të grave në këtë sektor.

Teme e diskutimit ishte edhe projekti WOW, projekt i përkrahur nga Banka Botërore, me qëllim të rritjes së pjesëmarrjes së grave në punësimin online.

Nga ana e saj, Zëvendësministrja Strugar u shpreh shumë e kënaqur me këtë nismë dhe shprehu gatishmërinë për bashkëpunim bilateral dhe rajonal në mes të dy shteteve.

Takimi është zhvilluar në atmosferë konstruktive, me ç’rast është konstatuar se një nismë e tillë me rendësi të veçante do t’i hapte rrugë shteteve në rajon për një projekt të përbashkët.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara