Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Kuvendit të Kosovës nga radhët e AAK-së Time Kadrijaj, ka numëruar sot para deputetëve një sërë problemesh me të cilat ballafaqohet vendi. Ajo ka thënë se vendi ynë vazhdon të jetë vendi më i varfër, me një papunësi prej 50 për qind të popullatës, pavarësisht nga pasuritë nëntokësore dhe ato mbi tokë. “Për zhvillimin ekonomik nuk keni zgjedhje të qëndrueshme. Ky është alarm për Kosovën dhe qytetarët. Sistemi arsimor është i kapur nga partitë më të mëdha. Sistem i politizuar skajshmërish”, citon KP deputeten Kadrijaj. Sipas saj, sistemi shëndetësor është para kolapsit, duke shtuar se vendet kyçe të institucioneve janë të kapura nga militantë partiakë. “Nepotizmi është shtrirë dhe në polici dhe AKI. Shteti është i dobët” ka konstatuar mes tjerash deputetja e AAK-së, Time Kadrijaj.
