Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Agjencia beogradase e lajmeve, “Beta” bën me dije se kryeministri i Serbisë, Vuçiq ka thënë se sa i përket Trepçës bëhet fjalë për standard të dyfishtë dhe nuk mendon se shqiptarët të gjithë këtë e kanë bërë të vetëm. Serbia pyet pse askush nga BE-ja nuk reagon për gjuhën e ashpër të Kroacisë. Gazetarët e kanë pyetur se pse askush nga partnerët e Serbisë në Bruksel nuk ka reaguar për vendimin e Kosovës lidhur me Trepçën. “Nuk reagojnë pasi që ne jemi partner i vogël. Dyshoj se do të reagojnë, e as që e kam pritur që do të reagojnë. Ata do të reagonin për gjëra krejt të vogla, por jo për Trepçën. Këto janë këto standarde të dyfishta? Këtë nuk e kanë bërë vetëm shqiptarët. Dikush i ka lejuar të bëjnë këtë. Serbia nuk do të kërkojë mbledhje të Këshillit të Sigurimit të Kombeve të Bashkuara, në të cilën do të diskutohej për Ligjin për Trepçën, që është miratuar në Kuvendin e Kosovës. Nuk e kam pranuar këshillën e Zyrës për Kosovën që këtë çështje ta prezantojmë në OKB ka saktësuar Vuçiq, i cili me këtë rast e ka zbutur në një masë të madhe retorikën kërcënuese antishqiptare.
