Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot u hap edicioni i 16-të i Panairit të Ushqimit dhe Pijeve AGROKOS 2016 dhe edicioni 9-të i Panairi i Ndërkombëtar për Mjekësi, Shëndetësi dhe Pajisje “MEDIKOS 2016” organizuar nga kompania CEO- Congress & Event Organization. Panairet do jenë të hapura për tri ditë në Pallatin e Rinisë dhe Sporteve ne Prishtinë, nga ora 10:00 deri në orë 18:00. Rreth 150 biznese ekspozuese dhe një cilësi e vizitorëve profesionist, e bëjnë ketë panair vendin më të domosdoshëm për ta vizituar dhe ekspozuar. Panairit ndërkombëtar “AGROKOS” është i specializuar për promovimin e Agroindustrisë në sektorin e ushqimit, pijeve, bujqësisë, blegtorisë etj, ku siguron një mjedis optimal të biznesit për të gjithë pjesëmarrësit, si vizitorë ashtu dhe për ekspozues.
Edicioni i vitit 2016 ka sjellë një program paralel si forume dhe prezantime me folës profesionist të fushave përkatëse të cilët do të elaborojnë modelet e fundit mbi përpunimin e ushqimit, sektorin e pemëtarisë, teknologjinë moderne të paketimit si dhe kahja e zhvillimit të agrobiznesit në tërësi. Këtë vit për fermerët e Kosovës nga Ministria e Bujqësisë dhe Zhvillimit Rural do të prezantohen format e aplikimit për grante dhe mundësia e përfitimit të tyre nga buxheti i planifikuar prej kësaj Ministrise.”AGROKOS” është një portë e rëndësishme për të gjithë ata që synojnë eksportimin e produkteve vendore në tregjet e shteteve fqinje, por edhe rrjetëzim me bizneset e Evropës perëndimore,Turqisë dhe Ballkanit në tërësi.
