Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në Prishtinë ka përfunduar Seminari “Rose Roth”, i organizuar nga Asambleja Parlamentare e NATO-s në bashkëpunim me Kuvendin e Kosovës dhe me përkrahjen e Qeverisë Zvicerane. Gjatë Seminarit të 93-të, i cili u mbajt për herë të parë në Kosovë, u diskutua çështje të ndryshme si për perspektivën euro-atlantike të Kosovës, dialogun Beograd-Prishtinë, për reformat në sektorin e sigurisë në Kosovë, sfidat e migracionit dhe parandalimin e radikalizmit. Në të morën pjesë më shumë se 100 pjesëmarrës, rreth 70 deputetë nga 21 vendet anëtare të NATO-s dhe vendet partnere.
Pas hapjes së sesionit të fundit të Seminarit, nga nënkryetari i Kuvendit Xhavit Haliti, shef i delegacionit të Kuvendit të Kosovës në AP të NATO-s, një fjalë rasti ka mbajtur kryeministri i Kosovës, Isa Mustafa.Ai në fjalën e tij, mes tjerash ka theksuar progresin e arritur në Kosovë që nga paslufta, duke shtuar se dalja nga shkatërrimi i luftës dhe mbrojtja e jetëve të njerëzve, e arsyeton në mënyrë të plotë ndërhyrjen e NATO-s. Mustafa ka shprehur përkushtimin e Qeverisë që të punojë në mënyrë që Kosova të shndërrohet në një eksportuese të sigurisë, duke u rreshtuar në krah të aleancës botërore për paqe dhe siguri. Vlerësojmë se e kemi një Forcë tani të Sigurisë dhe nesër do të kemi një Forcë të Armatosur e cila është në gjendje që të aplikojë të gjitha standardet e NATO-s dhe të jetë në krah të një aleance botërore për paqe dhe siguri”, tha kryeministri Mustafa, duke shtuar se “po ashtu jemi të interesuar që edhe më tutje KFOR-i të qëndroj në Kosovë si pjesë e stabilitetit, paqes dhe besimit të të gjithë qytetarëve përfshirë edhe komunitetet”.
