Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Mjekja e luftës, veprimtarja dhe luftëtarja e lirisë, Teuta Hadri sot ka përuruar librin me dy vëllime: “Krimi që e pashë me sytë e mi”, ditar lufte i vitit 1998. Me këtë rast u prezantua edhe një dokumentar i luftës së vitit 1998, sekuenca të cilat shfaqin tragjedinë dhe krimet e kryera nga policia dhe ushtria serbe, në Drenicë. Lufta e Kosovës dhe dhuna e forcave serbe e ushtruar kundër shqiptarëve është përshkruar në këtë libër bashkë me dëshmitë, të cilat i ka parë me sytë e vet mjekja e luftës, luftëtarja e lirisë, Teuta Hadri. “Dëshmitë në këtë libër janë dëshmi autentike, si dhe dëshmi rrëqethëse të luftës ndaj popullit shqiptar. Një libër si ky nuk është thjeshtë një libër por një histori tragjike e shqiptarëve e cila tragjedi u pa nga afër nga vetë autorja mjeke në luftën e Ushtrisë Çlirimtare të Kosovës”, tha Para të pranishmëve redaktori i librit, Bedri Islami. Ai shtoi se për të shkruar një libër si ky duhesh të kesh guximin, e këtë guxim sipas tij e pati Teuta Hadri, për të cilin ky libër është i libër i dhimbjes por edhe i shpresës. Autorja e librit Teuta Hadri, ka falënderuar pjesëmarrësit në përurim, duke ndarë një përshëndetje të veçantë drejtuar familjes së Legjendarit Adem Jashari.
