Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetarja e Parlamentit Evropian dhe raportuesja për Kosovën pranë Komisionit të Parlamentit Evropian, Ulrike Lunaçek, ka deklaruar se progresi i arritur duhet çuar përpara sepse rruga euro-integruese e Kosovës është e pakthyeshme. Ajo këto komente i bëri gjatë takimit me ministren e Drejtësisë, Dhurata Hoxha, ku edhe ofroi mbështetjen e saj të plotë që ky proces të përmbyllet sa më parë dhe me sukses. Ministrja e Drejtësisë, Dhurata Hoxha tha se vizita e Lunaçek po zhvillohet pas publikimit të Raportit të Progresit për Kosovën nga Komisioni Evropian, raport që evidenton hapat pozitiv të Kosovës por edhe kriteret që duhen përmbushur për marrjen e vendimit për liberalizimin e vizave. Forcimi i shtetit ligjor është kriteri i dytë, theksoi ministrja Hoxha, dhe shprehu përkushtimin e realizimit të reformave për sundimin e ligjit, konsolidimin e qeverisjes së mirë por edhe reformat ekonomike, në funksion të këtij kriteri. Këto, sipas saj, arrihen bashkërisht përmes koordinimit dhe mbikëqyrjes nga ana e BE-së.
