Mbahet konferencë me rastin e 75 vjetorit të arsimit shqip në Komunën e Suharekës

16/11/2016 Institucionet

Komuna e Suharekës dhe Shoqata e veteranëve të arsimit të kësaj Komune,  me rastin e shënimit të 75 vjetorit të arsimit shqip në Komunën e Suharekës, do të organizojnë Konferencë  me temë: “Rrugëtimi i arsimit shqip në Suharekë”, ku do të flitet për rriten dhe zhvillimin e arsimit shqip prej vitit 1941 e deri më tani. Në takimin e Këshillit Organizativ, u fol për përgatitjet që janë bërë deri dhe për punët tjera që kanë mbetur deri në mbajtjen e kësaj Konference. Sipas programit që ka paraparë Këshilli Organizativ, në Konferencë do të ftohen emra të njohur të veteranëve të arsimit, përfaqësues të MASHT-it, LASH-it nxënës të  arsimit të hershëm shqip dhe veprimtarë e historian. Për 10 emrat që lanë gjurmë në arsimin shqip në Komunën e Suharekës do të jepen Mirënjohje nga organizatori, 4 prej të cilëve nderohen post  mortum. Konferenca: “Rrugëtimi i arsimit shqip në Suharekë” do të organizohet me 24 nëntor 2016, në Bibliotekën e qytetit, ku janë të ftuar mbi 150 pjesëmarrës dhe fillon në ora 10.

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara