leoni

U shënua 75 vjetori i arsimit shqip në Komunën e Suharekës

24/11/2016 Institucionet

Rreth 150 të ftuar sot, kanë shënuar 75 vjetorin e arsimit shqip në Komunën e Suharekës, përmes një Konference që u mbajt në ambientet e Bibliotekës së qytetit në Suharekë. Ky manifestim që u organizua nën patronatin e kryetarit të komunës së Suharekës z.Sali Asllanaj dhe në bashkëpunim me Shoqatën e veteranëve të arsimit të kësaj Komune, ka takuar sot nxënës e arsimtarë të asaj dhe kësaj kohe, veteranë dhe kontribuues të arsimit. Janë përkujtuar edhe mësuesit e parë të shkollës shqipe në Suharekë e cila ka filluar punën në vitin 1941. Janë përmendur mësuesit e parë të shkollës dhe klasa e parë e shkollës shqipe, nga e cila siç u tha nga folësit tani janë të gjallë vetëm tetë persona. Në konferencë kanë mbajtur fjalime dhe kanë përshëndetur të pranishmit, nënkryetari i komunës së Suharekës, z. Rexhep Kuçi, përfaqësuesi i LASH-it, prof. Rexhep Osmani, përfaqësuesi i profesorëve z. Sedat Kuçi dhe përfaqësuesi i Shoqatës së veteranëve të arsimit të Suharekës, z. Milaim Bllaca etj. Ndërkaq, për zhvillimin e arsimit në Suharekë në periudhën 1941-1990, ka fol veterani i arsimit Halit Berisha, i cili ka lexuar emrat e mësimdhënësve dhe të nxënësve të klasës së parë të shkollës shqipe, për të vazhduar më pas me kumtesën e zhvillimit të arsimit nga viti 1990 e deri më sot, që e bëri z. Ramadan Haxhiaj. Për 10 emrat që lanë gjurmë në arsimin shqip në Komunën e Suharekës, janë ndarë mirënjohje, katër të parët post mortum: 1. Hilmi Duli ( pas vdekjes), 2. Tajar Hatipi ( pas vdekjes), 3. Abdyl Ramaj ( pas vdekjes) ,4. Maksut Kuçi (pas vdekjes), 5. Hasibe Bllaca, 6. Ramadan Shala, 7. Hazir Kabashi, 8. Hilmi Iballi, 9. Salih Kolgeci dhe 10. Halit Berisha.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara