Komuna e Suharekës e interesuar për projektin “Menaxhimi i Tokës”

03/12/2016 Institucionet

Përfaqësues të GIZ-it dhe të MMPH  (Ministrisë së Mjedisit dhe Planifikimit Hapësinor) kanë qëndruar në Komunën e Suharekës ku janë takuar me nënkryetarin e Komunës z.Rexhep Kuçi dhe me  drejtorin e drejtorisë komunale për Urbanizëm, Planifikim dhe Mjedis, z. Kushtrim Kicaj. Gjatë këtij takimi ata kanë biseduar rreth një  projekti të ri që do të startojë këto ditë i quajtur “Menaxhimi i Tokës”. Më shumë lidhur me këtë Projekt ka fol  z. Michael Becker, këshilltar në GIZ, i cili pasi ka sqaruar rëndësinë e projektit më pas ka pyetur  se a është e gatshme  Komuna e Suharekës  për të qenë pjesë e këtij projekti. Nënkryetari Kuçi si dhe drejtori Kicaj, janë shprehur të gatshëm për  Planifikimin  hapësinor –  krijimi i data bazës digjitale për planifikimin hapësinor i cili do ti mbështesë për hartimin e Hartave Zonale Komunale sipas kërkesave  të ligjit për Planifikim Hapësinor. Pas takimit të gjithë së bashku kanë shkuar dhe kanë vizituar zyrat e drejtorisë komunale për Urbanizëm, Planifikim dhe Mjedis, kanë parë hapësirat dhe mjetet  e punës në këtë drejtori.

Ky ishte takimi fillestar për të diskutuar rreth gatishmërisë, ndërkaq më pas do të bëhet lista  përfundimtare e komunave që janë përzgjedhur për  mbështetje në bashkëpunim me   MMPH  ( Ministrisë së Mjedisit dhe Planifikimit Hapësinor ).

Kontrolloni gjithashtu

Smajl Latifi: Në 26-vjetorin e rënies heroike përkujtuam dëshmorët e kombit, Visar Hotin dhe Safet Latifin

Kryetari i komunës së Rahovecit, z. Smajl Latifi, në 26-vjetorin e rënies heroike, në vendin …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara