Normalizohet gjendja e rrugëve në Komunën e Skenderajt

10/01/2017 Institucionet

Bordi i Drejtorëve i Komunë së Skenderajt i udhëhequr nga Nënkryetari Fadil Nura ka mbajtur takimin e dytë për vitin 2017. Në takim janë diskutuar tema të ndryshme sa i përket fillimit të vitit të ri, me theks të veçantë gjendja e rrugëve pas reshjeve të borës.

Nënkryetari Nura ka theksuar se si pasojë e reshjeve të fundit të borës ka pasur vështirësi dhe bllokim të disa rrugëve në lagjet e fshatrave malore, të cilat janë zhbllokuar dhe gjendja është normalizuar, pasi asnjë rrugë tashmë nuk është e pa kalueshme. Ai po ashtu ka thënë se me gjithë këtë rrugët në disa pjesë të Skenderajt vazhdojnë të jenë të rrëshqitshme dhe kërkohet kujdes i shtuar në komunikacion.

Nura ka lavdëruar punën e ekipeve të DSHP-së në terren gjatë pastrimit të rrugëve dhe mbikëqyrjes së punëve të kompanisë së kontraktuar, në zbatim të planit, si dhe në përgjigje në kërkesat e qytetarëve.

Nënkryetari Nura ka theksuar mundësinë që në të ardhmen të angazhohen më shumë kompani në mirëmbajtjen dimërore të rrugëve.

Në takim drejtorët e drejtorive komunale kanë raportuar për punën dhe aktivitetet e tyre gjatë periudhës së fundit. Ndërkohë në këtë aspekt nënkryetari Nura ka kërkuar angazhim dhe përkushtim maksimal të drejtorëve në realizimin e objektivave sipas planeve specifike të secilës drejtori karshi nevojave të qytetarëve.

Kontrolloni gjithashtu

Për shkak të punimeve me 22 dhe 23 prill bllokohen rrugët “Xhevat Kasapi” dhe “Muharrem Dina”

Komuna e Rahovecit përmes një postimi në faqen zyrtare të saj në facebook, njofton qytetarët …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara