Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot në shumë qytete të Kosovës, Maqedonisë e Shqipërisë janë mbajtur protesta gjithë popullore me kërkesë për lirimin e ish kryeministrit dhe kryetarit të AAK-së, Ramush Haradinaj, i cili është arrestuar nga policia franceze javën e shkuar, në bazë të një urdhër arresti të Serbisë të kohës së Milosheviqit. Protesta me moton, “Kundër fyerjes dhe padrejtësisë” u mbajtën në Prizren, Gjilan, Pejë, Mitrovicë, Gjakovë dhe në Ferizaj. Shumë qytetarë të Gjakovës dhe Rahovecit janë bashkuar marshit protestues për Ramush Haradinajn. Para Ambasadës së Francës në Shkup u mbajt një protestë, kundër arrestimit të Ramush Haradinajt. Edhe Lëvizja për Shqipëri të Bashkuar, sot mbajti protestë paqësore në Tiranë, përball Ambasadës franceze, me qëllim për të kundërshtuar ndalimin e gjeneralit të UÇK-së, Ramush Haradinaj nga autoritetet franceze pas një urdhër-arresti të lëshuar nga Serbia në vitin 2004.
