Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhur me situatën e krijuar në Mitrovicë, si dhe për përgjegjësinë mbi ligjin e sigurimeve shëndetësore, Kryesia e Kuvendit të Kosovës do të mbajë mbledhjen e radhës në të cilën do të vendoset se kur kryeministri i Kosovës do të jetë në interpelancë. Në këtë takim me shefat e grupeve parlamentare, pritet të vendoset se kur do të jetë interpelanca e ministrit të Arsimit, Shkencës dhe Teknologjisë Arsim Bajrami, sipas kërkesës së deputetit Ismajl Kurteshi. Pastaj interpelanca e kryeministrit të Kosovës Isa Mustafa,
sipas kërkesës së deputetit Rexhep Selimi, në lidhje me situatën e krijuar në Mitrovicë si dhe interpelanca e kryeministrit, sipas kërkesës së deputetit Visar Ymeri. Pastaj si pikë e rendit të ditës është edhe shqyrtimi për debat parlamentar sipas kërkesës së deputetit Glauk Konjufca, i mbështetur edhe nga 9 deputetë tjerë lidhur me arrestimet e aktivistëve të Lëvizjes Vetëvendosje, si dhe formimi i Komisionit ad-hoc për përzgjedhjen e një anëtari të Bordit të Radiotelevizionit të Kosovës.
