Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Kombëtar të Nismës për Kosovën, Jakup Krasniqi, ka deklaruar se dialogu me Serbinë jo vetëm që solli normalizimin e marrëdhënieve, por trimëroi Serbinë aq sa edhe bëri tri provokimet e fundit. Kryetari dhe kryeministri, pa fije turpi bëjnë thirrje që edhe opozita t’i bashkohet dialogut. Në një konferencë për media, Jakup Krasniqi ku ka folur për dialogun dhe krizën politike, në të cilën ka thënë se dialogu i filluar në vitin 2011, pa ndonjë përgatitje serioze nuk kishte shans të përfundonte ndryshe. Dialogu nuk është përdorur për nxjerrjen e Serbisë nga veriu i vendit, ky dialog solli marrëveshje të dëmshme për Kosovën. Marrëdhëniet me Serbinë u përkeqësuan, ky dialog jo që nuk solli normalizim të marrëdhënieve por e trimëroi Serbinë aq sa që bëri tri provokime të renda për Kosovën për një kohë të shkurtë, si ndalimi i Haradinajt, muri dhe treni. Këta njerëz në vend që të japin llogari për dëmet që i kanë sjell vendit, pa fije turpi bëjnë thirrje që edhe opozita t’ iu bashkohet, ka thënë mes tjerash, Jakup Krasniqi.
