Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Qeveria autarkike e Spanjës ka filluar gjykimin kundër ish-kryetarit të Katalunjës, Artur Mas, i cili akuzohet për përfshirje në referendumin “jo zyrtar” të Krahinës katalunjase për pavarësi, në nëntor të vitit 2014. Artur Mas është paditur për mosbindje serioze civile, pasi votimit që u krye duke sfiduar vendimin e Gjykatës Kushtetuese spanjolle. Prokurorët kanë kërkuar që ai të skualifikohet nga detyrat publike për 10 vite. Kjo është hera e parë që një udhëheqës i qeverisë katalanase del në gjyq. Mas, i cili qeverisi Katalunjën nga viti 2010 deri në 2016-n, është akuzuar bashkë me dy partnerë të tij, pikërisht ish-zëvendëspresidenten Joana Ortega dhe ish-ministren e Arsimit Irene Rigau. Gjyqi i tyre po përdoret nga mbështetësit e pavarësisë së Katalunjës për të nxitur kauzën e tyre dhe qeveria aktuale e krahinës është zotuar që të zhvillojë një tjetër referendum në shtator. Ish-presidenti katalanas Mas ka këmbëngulur shpesh se nuk ka asgjë për të kërkuar falje dhe se nuk ka shkelur asnjë ligj, ndërsa u tregua mjaft sfidues para hyrjes në gjykatë. Në referendumin e 2014-s, më shumë se 80% e votuesve mbështetën pavarësinë, por vetëm 2 nga 5.4 milionë katalanasit me të drejtë vote morën pjesë në të.
