Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i NATO-s, Jens Stolenberg, tha se për formimin e Ushtrisë duhet të vendosë vetë shteti i Kosovës, mirëpo, bërja e vendit me ushtri po shihet ende si mundësi e largët. Stolenberg ka theksuar se NATO-ja nuk ka kompetencë për themelimin e ushtrisë së Kosovës, sepse kjo iu takon autoriteteve të vendit. Ndërkaq në Ministrinë e Forcës së Sigurisë së Kosovës besojnë se viti 2017 do të jetë viti i formimit të Ushtrisë së Kosovës. Remzie Zeqiraj, oficere për marrëdhënie me publikun në MFSK tha se besojmë dhe shpresojmë që përfundimisht viti 2017 do të jetë viti kur Kosova do të bëhet me forca të armatosura, duke e realizuar kështu një dëshirë të kamotshme jo vetëm të MFSK-së, pjesëtarëve të FSK-së, por edhe të gjithë shtetasve të Republikës së Kosovës. Sipas saj, MFSK-ja dhe FSK-ja janë të gatshme për të marrë mision dhe detyra të reja. Ne kemi kryer punën tonë dhe po vazhdojmë të punojmë më tutje sipas misionit aktual. FSK-ja është aktive në ruajtjen e kapaciteteve ekzistuese dhe e gatshme për marrjen e detyrave të reja që i janë paraparë misionit të FAK-ut, ka përfunduar ajo.
