Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bija e Dritëro Agollit, Elona, ka reaguar kundër disa kritikëve pa dinjitet, si Artur Xheji, Blendi Feziu dhe soji i tillë, të cilët kritikat e tyre kundër shkrimtarit më të madh shqiptar, nuk i ndaluan as në ditën e varrimit të tij. Në një përgjigje artistike, në stilin e babait, në një postim të saj, ajo ka shkëputur një pasues nga përmbledhja publicistike e Dritëro Agollit, “Tështimat e lirisë”, ku Dritëroi ka shkruar: “Keni ecur ndonjëherë përmes një livadhi me karkalecë? Ata kërcejnë përpara fytyrës tënde. Ti i përze me dorë, qindra të tjerë të hidhen në sy, në hundë, në vesh, në qafë. Ti vrapon, ata të mblidhen si re. Mua më kërcejnë çdo javë nga livadhi i gazetave mijëra fjalë-karkalecë. E përze një tufë, një tjetër më lëshohet duke kërcyer. Tani, së fundi, edhe dy karkalecë pleq m’u lëshuan, duke kërcyer nëpër livadhin e gazetave me kërkërimat e tyre plot instikt të lashtë insekti”.
