leoni

U mbajt takimi i rregullt i sigurisë lokale në Suharekë

09/02/2017 Institucionet

Një grabitje e armatosur, katër vjedhje, një kanosje, një dhunë familjare, një ngacmim, dy lëndime trupor, një asgjësim i pasurisë, një falsifikim i dokumentit  dhe një aksident trafiku janë rastet që kanë ndodhur gjatë javës që shkoi në Komunën e Suharekës. Zëvendëskomandanti i stacionit policor në Suharekë, toger Afrim Sylaj pasi ka raportuar për gjendjen e sigurisë në Komunën e Suharekës, më pas ka bërë të ditur se qytetarët duhet të kenë me vete librin e aksidenteve gjatë vozitjes, në të kundërtën ata do të dënohen me gjobë në të holla. Ndërsa për ngjarjet tjera që kanë ndodhur në Komunë, për punët dhe angazhimet e Komunës ka fol kryesuesi i këtij takimi, z.Rexhep Kuçi, nënkryetar i Komunës së Suharekës. Kuçi ka bërë të ditur për takimin që ka pas në Ministrinë e Shëndetësisë, pastaj për marrëveshjen me MAPL-në, ku komuna ka përfituar 110 mijë euro për  rivitalizimin e ujësjellësit në fshatin Greikoc, pastaj për vazhdimin e mbështetjes nga ADA për  sektorin e Bujqësisë ku sipas një Kontrate ata do të ndihmohen me 500 mijë euro  nga ADA dhe 115 mijë tjera nga Komuna gjatë tri viteve në vazhdim. Në këtë takim u tha edhe për aktivitetet e  drejtorisë së bujqësisë e cila do të ndaj 80 mijë euro për serra, 45 mijë të tjera për fidane të mjedrës dhe të dredhëzës si dhe 50 mijë për renovimin e stallave.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara