Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në forumin për themelimin e Komisionit për të Vërtetën dhe për Pajtimin, kryeministri Isa Mustafa ka thënë se Kosova dhe Serbia nuk mund të ndërtojnë një të ardhme nëse nuk merren dhe nuk e qartësojnë të kaluarën historike. “Krimet e luftës s’do të harrohen dhe natyrisht se do të merremi me to. Duke u ballafaquar guximshëm me të kaluarën tonë ne fitojmë besimin dhe forcojmë shpresën e qytetarëve tanë për të ndërtuar të ardhme të sigurt. E kaluara nuk mund të na pengojë në ndërtimin e së ardhmes, nëse ndjekim dhe ndëshkojmë ata që kanë bërë krime”, ka deklaruar Mustafa. Ai ka shtuar se e ardhmja e dy vendeve pavarësisht asaj që ka ndodhur në të kaluarën, nuk duhet të mbetet peng i historisë. Duhet të merremi me të kaluarën por pa frikë se e dëmtojmë të sotmen. Këtë mund ta tejkalojmë vetëm duke zbardhur fatin e të pagjeturve, zbardhjen e vrasjeve dhe dhunimeve që kanë ndodhur gjatë luftës, është shprehur kryeministri Mustafa.
