Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Iniciuesi i debatit parlamentar për FSK-në, njëherësh deputet i AAK-së, Daut Haradinaj, në fillim të këtij debati, ka deklaruar se secili nga deputetët e ndanë mendimin e njëjtë për formim e ushtrisë. Ai ka thënë se NATO-ja është në Kosovë dhe së shumë shpejtë Kosova do të jetë pjesë e kësaj organizate. Unë besoj se jemi gati për ushtri”, ka thënë Haradinaj. Haradinaj ka thënë së ky transformimi i FSK-së në ushtri është paraparë edhe në dokumente ndërkombëtare në bazë të cilave është shpall Pavarësia e Kosovës. “Nëse ne s’mund ta ndryshojmë Kushtetutën ne mundemi që nëpërmjet Ligjit ta transformojmë FSK-në në ushtri”, ka thënë ai. Haradinaj, si iniciues i debatit, ka prezantuar edhe projektrezolutën për transformimin e FSK-së në ushtri, e cila është si vijon: Qeveria e Kosovës deri më 1 mars të procedoj në Kuvend Projektligjin për avancimin e FSK-së, Kapacitetet buxhetore të jenë në koordinim me partnerët ndërkombëtarë dhe Kuvendi dhe Qeveria të harmonizojnë përpjekjet e përbashkëta me NATO-n.
