Filloi hapja dhe rregullimi i dy rrugëve në Pagarushë

23/02/2017 Institucionet

Fshati Pagarushë në Komunën e Malishevës, njihet si një nga fshatrat me shpërndarjen më të madhe të lagjeve dhe me largësi të gjatë mes lagjeve, si dhe me një terren të bukur, por të ashpër. Si rezultat i kësaj, disa nga shtëpitë e lagjeve, gjenden larg rrugëve të asfaltuara dhe përballen me probleme serioze gjatë lëvizjeve të tyre. Për këtë qëllim, Komuna e Malishevës, ka filluar rregullimin e dy rrugëve, në dy lagje të Pagarushës.

Hapjen e këtyre rrugëve, e ka inspektuar drejtori  i Drejtorisë për Urbanizëm, Ahmet Morina. Me këtë rast, Morina, është takuar me banorët e këtyre lagjeve, si dhe me punëkryesin. Përderisa banorët i ka uruar për rrugën, edhe me punëkryesin është ndarë i kënaqur, me ecurinë e punimeve që është duke i bërë, edhe pse këto punime kryhen në një terren mjaftë të vështirë.

“Qëllim i yni, nuk është thjeshtë  realizimi i projekteve të cilat parashihen të realizohen brenda një viti pune, por është krijimi i kushteve sa më të mira, për të gjithë banorët e Komunës së Malishevës, e në veçanti në fshatrat e thella, siç janë lagjet Dukoj dhe Rexhaj të Pagarushës”, tha Morina.

“Këto dy rrugë kanë një gjatësi prej 700 metrave, ndërsa punimet që do të kryhen këtu janë, hapja e rrugës, krijimin e bazës për asfaltim dhe në fund asfaltimi i tyre”, tha Morina.

Banorët e këtyre lagjeve, e kanë falënderuar Komunën e Malishevës, për këto investime dhe për kujdesin e vazhdueshëm. Banorët e këtyre lagjeve, thanë se “hapja e rrugëve, ju mundëson atyre lëvizje më të lehtë dhe rrugët e tyre lidhen me rrugët kryesore, dhe rrjedhimisht ju lehtëson jetesën e tyre në fshat”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara