Kryetari Bashota ka bashkëbiseduar me banorët e fshatit Jashanicë

23/02/2017 Institucionet

Kryetari i Komunës së Klinës, Sokol Bashota, ka bashkëbiseduar me banorët e fshatit Jashanicë të Klinës për realizimin e disa projekteve infrastrukturore. Bashota i ka njoftuar banorët e këtij fshati se këtë vit do të asfaltohen të gjitha rrugët në lagjet e këtij fshati të cilat deri tash kanë qenë në gjendje të vështire dhe me këtë investim krijohen lehtësira në lëvizjen e banorëve.

Në lagjet e këtij fshati do të asfaltohen mbi 10 km asfalt për t’u lidhur me rrugën kryesore.

Gjithashtu, Bashota ka treguar se në këtë fshat do të realizohet edhe projekti i kanalizimit të ujërave të zeza ku ndër të tjera janë paraparë rreth 100 mijë euro investime.

“Pushteti lokal po bën gjithçka ç‘është e mundur për të krijuar kushte sa më të mira për qytetarët. Nevojat janë të mëdha, ndërsa mundësitë buxhetore të kufizuara, por ne jemi të përkushtuar që të ndihmojmë qytetarët e kësaj ane dhe të gjithë komunës”, u ka thënë Bashota banorëve të Jashanicës.

Në anën tjetër, banorët e kanë falënderuar kryetarin Bashota dhe bashkëpunëtorët e tij për angazhimin në realizimin e këtyre dy projekteve jetike.

Ndër të tjera pritet edhe rregullimi i çështjes së ujit të pijshëm për Jashanicën dhe Resnikun.

Komuna e Klinës do të realizojë edhe projektin shumë të rëndësishëm të asfaltimit të rrugës që nis nga aksi rrugor Klinë-Skenderaj deri në fshatin Ujmirë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara