U mbajt mbledhja e dytë e KK të Malishevës

24/02/2017 Institucionet

Kuvendi i Komunës së Malishevës, nën drejtimin e kryesuesit të saj, Aziz Thaçi,  ka mbajtur mbledhjen e dytë të radhës, për këtë vit. Në këtë mbledhje ndër çështjet e shqyrtuara, ishte edhe raporti i të hyrave dhe shpenzimeve për periudhën 1 Janar – 31 Dhjetor 2016, si dhe shpallja e një zonë në fshatin Lladrovc,  zonë me interes publik, me qëllim të ndërtimit të shkollës në këtë fshat. Raportin e të hyrave dhe shpenzimeve komunale, e ka prezantuar drejtori i Drejtorisë për Buxhet dhe Financa, Vesel Krasniqi, i cili tha se buxheti është shpenzuar në mënyrën më të mirë të mundshme, ndërsa janë ulur shpenzimet komunale, si dhe janë rritur të hyrat vetanake. Pas raportimit, anëtarët e kuvendit, kanë dhënë vlerësimet e tyre lidhur me raportin.

Gjithashtu, pas raportimit dhe prezantimit të raportit të punës dhe planit të punës së Komisionit Komunal të Aksionarëve, anëtarët e Kuvendit Komunal të Malishevës, me shumicë të votave, e kanë miratuar këtë raport dhe këtë planifikim për vitin 2017. Edhe për komitetin për arsim, kulturë, rini dhe sport, anëtarët e Kuvendit Komunal, e kanë miratuar planin e punës për vitin 2017.

Pikë me rëndësi në këtë mbledhje ishte miratimi i kërkesës së Kryetarit të Komunës së Malishevës, për shpalljen zonë me interes publik, të një zone në fshatin Lladrovc, me qëllim të ndërtimit të shkollës në Lladrovc. Kjo ishte edhe kërkesë e vet banorëve dhe kryesisë së fshatit, si dhe drejtorisë së shkollës dhe drejtorisë komunale të arsimit.

Për gjendjen në arsim, përkatësisht informim për përfundimin e gjysmë vjetorit të parë të vitit shkollor  2016/2017, si dhe përgatitjet për fillimin e gjysmë vjetorit  të dytë të vitit shkollor 2016/2017, ka informuar drejtori i drejtorisë për Arsim dhe Edukim, Avdi Morina, i cili foli për disa të arritura në pjesën e parë të vitit shkollor, si dhe përgatitjet për gjysmë vjetorin e dytë, përfshi edhe investimet në shkolla, në veçanti për rritjen e cilësisë në shkolla.

Kuvendit Komunal i Malishevës, pas shqyrtimit ka miratuar disa kërkesa të qytetarëve për ndërrim destinimi të tokës bujqësore, në tokë ndërtimore, si dhe një kërkesë e fshatit Bubavec, për ndërtimin e një sheshi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara