Po bëhen përgatitjet për parandalimin dhe luftimin e etheve hemorragjike në Suharekë

06/03/2017 Institucionet

Shtabi Komunal për parandalimin dhe luftimin e etheve hemorragjike në Komunën e Suharekës, ka filluar aktivitetin për marrjen e masave ndaj kësaj epidemie. Në takimin që ka mbajtur ky Shtab, të cilin e kryesoi kryetari i Komunës së Suharekës Sali Asllanaj, u fol për përgatitjet që janë bërë dhe vazhdojnë të bëhen në parandalimin dhe luftimin e etheve hemorragjike. Drejtori i Drejtorisë Komunale për Shëndetësi dhe Mirëqenie Sociale, Frashër Behluli anëtarët e shtabit i ka njoftuar për takimin që është mbajtur në Ministrinë e Shëndetësisë ku janë caktuar detyrat e punës për Komunat që janë zona endemike. Ai ka thënë se edhe këtë vit, Komuna e Suharekës ka ndarë 10 mijë euro për masat mbrojtëse. Ndërsa drejtori i QKMF-së në Suharekë, Milit Elshani, ka thënë se do ti përsërisim gati të gjitha punët dhe angazhimet e vitit të kaluar, pasi vitin e kaluar kemi pas rezultate shumë më të mira, ngase kemi pas zvogëlim te numrit që kanë kërkuar ndihmë. Ai ka shtuar gjithashtu se QKMF-ja është e gatshme dhe e përgatitur profesionalisht për çfarëdo intervenimi, pasi që kemi mjaft staf të kompletuar dhe po punojmë me të madhe në vetëdijesimin e qytetarëve. Pas diskutimeve, kryetari i Komunës së Suharekës, Sali Asllanaj, iu ka caktuar detyrat konkrete secilit anëtar të Shtabit që të japin kontributin e tyre ne marrjen e masave rreth parandalimit dhe luftimit të etheve hemorragjike të njohura si “Krime Kongo”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara