Kryetari Selmanaj ka nderuar më ,,Mirënjohje Qyteti” pas vdekjes veteranin e arsimit Isuf Ismajlaj

08/03/2017 Institucionet

Për nder të 7 Marsit ditës së Mësuesit kryetari i komunës së Deçanit Rasim Selmanaj  ka nderuar më ,,Mirënjohje   Qyteti”  pas vdekjes veteranin e arsimit shqip në Rrafshin e Dukagjinit  Isuf Ismajlaj  më motivacion: Për kontributin e tij jetësor në shërbim të çështjes kombëtare dhe në fushën e arsimit. Të pranishëm në ketë ceremoni ishin i pari i komunës së Deçanit Rasim Selmanaj, me bashkëpunëtorë, veteran të arsimit, ata të cilët bashkudhëtuan më Isufin, ish drejtor dhe drejtor shkollash, familja e Isuf Ismajlaj dhe qytetarë.

Se Isuf Ismajlaj ishte njeri më vlera të larta, njëri i cili për as një qastë nuk ju nda edukimit të brezave deri në frymën e fundit duke dhënë kontribut të veçante në shumë fusha deri në fillet e para të fillimit të luftës së UÇK-së  ku më 29 Maj të viti 1998 plagoset rënd ndërsa trajtimi i plagëve në atë kohë nuk mund të jepte rezultatet e duhura gjë që shkaktoi edhe sëmundjen e Isuf Ismajlaj i cili më 19 Nëntor 2001 ndahet  nga jeta, veprimtari i paepur i çështjes kombëtare në përgjithësi dhe arsimit shqip në veçanti.

Ndërsa pikërisht në ketë ditë të shenjët të 7 Marsit pas nderimit më ,,Mirënjohje Qyteti’’ kryetari Selmanaj, tha se kur nderojmë njerëzit sikurse Isuf Ismajlaj nderojmë vlerat dhe dijen e këtij populli i tillë ishte Isufi i cili për asnjë qastë nuk u ndal për të mirën e këtij vendi deri në frymën e fundit.

Për jetën dhe veprën e Isuf Ismajlaj kanë folur edhe  prof.Rexhep Mulliqi, prof. Nezir Avdimetaj, deputetja Safete Haderxhonaj, mësuesja Sofe Rizaj. Ndërsa duke e falënderuar kryetarin e komunës  së Deçanit Rasim Selmanaj, drejtorin e Arsimit dhe gjithë pjesëmarrësit Prof.Have Ismajlaj tha u jam mirënjohës që kontributin e Isufit sot  po e vulosni me anë të kësaj Mirënjohje.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara