Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa familjarë të viktimave kërkojnë që Gjykata Speciale të merret më krimet e forcave serbe në Kosovë. Një kërkesë e tillë është dorëzuar në Kuvendin e Kosovës ku kërkohet që deputetët të ndryshojnë Ligjin e Speciales dhe ta kushtëzojnë dialogun me Serbinë deri sa kjo e fundit të bashkëpunojë më këtë institucion të drejtësisë të themeluar nga autoritet e vendit. Këtë kërkesë e kanë parashtruar familjarët e të masakruarve në Abri, Rezallë, Reçak, Hallaq të cilët i drejtohen kryetarit të Kuvendit, kryeministrit dhe kryetarit të Kosovës. Ata janë të zhgënjyer me UNMIK-un dhe EULEX-in e akoma më shumë janë të pakënaqur më institucionet vendore të cilat e kanë votuar Gjykatën Speciale për t’i përndjekur luftëtarët e UÇK-së, ndërsa për të masakruarit shqiptarë vazhdojnë të heshtin e të mos kërkojnë drejtësi. Një kërkesë të ngjashme para disa muajsh e ka bërë edhe shoqata “Familja dhe Shpresa” nga Klina.
