leoni

Kryetari Bahtiri bisedoi me një grup prej rreth 100 studentësh të Fakultetit të Arkitekturës

17/03/2017 Institucionet

Rreth 100 studentë të Fakultetit të Arkitekturës kanë qëndruar në Mitrovicë, me ç’rast kanë vizituar Qendrën Sportive Multifunksionale “Omnisport”, afër ndërtesës së Komunës dhe fabrikën e kërpudhave në Gushavc të Mitrovicës.

Gjatë qëndrimit në Mitrovicë studentët kanë takuar kryetarin e Komunës së Mitrovicës, Agim Bahtiri, i cili i ka shoqëruar ata gjatë vizitës në Fabrikën e Kërpudhave “Hirano Mushroom” dhe ju ka folur për zhvillimin ekonomik të komunës dhe sidomos për fabrikën moderne për prodhimin e kërpudhave. Ai ju ka treguar atyre se si funksionon kjo fabrikë, të cilën ai e kishte premtuar gjatë fushatës zgjedhore për kryetar të Mitrovicës në vitin 2013.

Kryetari Bahtiri ju tha studentëve të katedrës së projektimit të fakultetit të Arkitekturës se është kënaqësi që t’i takosh ata  dhe t’i informosh për punën që po bëhet në komunë për zhvillimin e ekonomik dhe në veçanti për funksionimin e fabrikës më moderne në Evropë për prodhimin e kërpudhave, e cila ka teknologjinë më bashkëkohore që prodhohet në Japoni dhe Korenë Jugore dhe në të cilën deri tash janë punësuar qindra punëtorë.

Studentët kanë vizituar edhe Qendrën Sportive Multifunksionale “Omnisport”, e cila është në përfundim e sipër, për të cilën janë investuar miliona euro donacion nga BE-ja. Kureshtja e studentëve të katedrës së projektimit për këtë objekt ishte shumë e madhe, pasi që në vend nuk ka edhe një objekt të dytë të këtillë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara