QEAP “Agimi” së shpejti me objekt të ri modern

23/03/2017 Institucionet

Qendra për Edukim dhe Arsim Parafillor “Agimi” tashmë është bërë pjesë e projekteve për investim në kuadër të Ministrisë së Arsimit, Shkencës dhe Teknologjisë.

Kryetari i Komunës së Kaçanikut Besim Ilazi tha se objekti i ri i çerdhes do të jetë një objekt modern, i ndërtuar sipas standardeve të larta ndërtimore. Kryetari Ilazi tha se përmes këtij projekti, do të përfitojnë më të vegjlit, të cilët pjesën më të madhe të ditës e kalojnë në çerdhe. Sipas tij objekti aktual nuk i ka plotësuar të gjitha kushtet e nevojshme, andaj përmes drejtorisë së Arsimit dhe Kulturës, është dërguar kërkesa në MASHT për ndërtimin e objektit të ri të çerdhes. Sipas kryetarit edhe viti 2017, do të jetë vit i rregullimit të infrastrukturës shkollore dhe vit i ngritjes së cilësisë në arsim.

Nga ana tjetër Drejtori për Arsim dhe Kulturë në Kaçanik Enver Kamishi tha se objekti do të ndërtohen në hapësirën ekzistuese të objektit të tanishëm, ndërsa do të ndërtohet sipas kushteve më moderne me inventarin përcjellës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara