Zv. Ministri Hoti: Krahas RYCO-s, Tradukit, në Ballkanin Perëndimor të mbështeten mediet

24/03/2017 Institucionet

Përgjatë takimeve të RYCO-s të ditës së tretë të punimeve, përfaqësuesit e të gjashtë shteteve pjesëmarrëse zhvilluan takime edhe në Ministrinë e Punëve të Jashtme me përfaqësuesin Special për Evropën Juglindore, për shtetet e EFTA-s dhe për Turqinë, ku morën pjesë edhe ambasadori i Italisë dhe përfaqësuesi i Francës.

Në kuadër të këtij takimi me Ambasadorin Dr. Christian Hellbach në Ministrinë e Punëve të Jashtme të Gjermanisë, zëvendësministri i Kulturës, Rinisë dhe Sportit, Rexhep Hoti e falënderoi z. Hellbach për kontributin e qeverisë gjermane dhe të asaj franceze për RYCO-n, si dhe i falënderoi për mbështetje edhe të shteteve tjera, me theks te veçantë për shtetin e Austrisë dhe Italisë.

Në lidhje me peshën dhe rëndësinë e këtij projekti për të rinjtë e Republikës së Kosovës, që të jenë pjesë e përbashkët e këtij projekti evropian në kuadër të Ballkanit Perëndimor, zëvendësministri Hoti edhe këtu theksoi vështirësitë me të cilat përballen të rinjtë nga Kosova kur është në pyetje liria e lëvizjes, qoftë në kuadër të shteteve pjesëmarrëse në RYCO-së, qoftë në kuadër të shteteve të EU-së.

Duke marrë si shembull funksionimin e mirë të organizatave me karakter evropian, siç janë Traduki e së fundi edhe RYCO, ku pjesëmarrja e politikës është kombinuar suksesshëm me shoqërinë civile, me rininë si dhe me pjesën kreative të shoqërisë, siç janë krijuesit dhe artistët, zëvendësministri Hoti hodhi idenë e propozimit që në kuadër të këtij zinxhiri te suksesit të formohet edhe një projekt ekskluziv medial, i cili do të merrte mbështetje financiare të drejtpërdrejtë për gazetarët në radhë të parë.

Mbështetja e medieve, me theks te veçantë për pesë shtetet e Ballkanit Perëndimor, siç janë Shqipëria, Serbia, Mali i Zi, Kosova dhe Maqedonia, do te kishte një epërsi strategjike jo vetëm në pavarësimin e medieve nga ndikimet brutale në hapësirat e shteteve në fjalë, por edhe lufta kudër korrupsionit e kriminalizimit do të merrte një perspektivë krejt tjetër.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara