Komandanti i KFOR-it turk vizitoi Komunën e Kaçanikut

29/03/2017 Institucionet

Komandanti i KFOR-it turk komanda e jugut Kolonel Mustafa Ihnsan Tavazar me bashkëpunëtor vizitoi Komunën e Kaçanikut ku u takua me Nënkryetarin e Komunës së Kaçanikut Remzi Elezi. Komandanti Kolonel Tavazar falënderoi përfaqësuesit e komunës së Kaçanikut për mikpritjen, ndërsa u interesua të dijë më shumë për komunën, problemet me të cilat ballafaqohen si dhe gjendjen ekonomike në përgjithësi, ndërsa shtoi se KFOR-i do të jetë gjithmonë përkrahës i proceseve integruese në të mirë të vendit dhe mbështetës në projekte të ndryshme të Komunës së Kaçanikut.

Nënkryetari Elezi fillimisht falënderoi Komandantin për vizitën e tij në Kaçanik, dhe e njoftoi për gjendjen e përgjithshme në Komunën e Kaçanikut, ndërsa shtoi se KFOR-i edhe më tutje mbetet miku i madh i sigurisë së vendit. Nënkryetari tha se problemi kryesor për Komunën e Kaçanikut mbetet papunësia me theks te veçantë tek te rinjtë, ndërsa bëri thirrje për donacione nga investitorët e huaj që të investojnë në Kaçanik. Në takim u diskutuan edhe çështje të tjera në interes ë Komunës së Kaçanikut.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara