leoni

Asfaltohen rrugët në disa lagje të Banjës së Malishevës

30/03/2017 Institucionet

Ka filluar asfaltimi i rrugëve në disa lagje të fshatit Banjë të komunës së Malishevës, të cilat edhe pse janë lagje të mëdha, deri më tani kanë qenë me rrugë të paasfaltuara. Në punimet e asfaltimit të rrugëve mori pjesë edhe nënkryetari i Komunës së Malishevës, Rexhep Mazreku dhe drejtori i Drejtorisë së Urbanizmit, Ahmet Morina. Me këtë rast, nënkryetari Mazreku, i ka uruar banorët e këtyre lagjeve, për rregullimin e rrugëve.

Edhe banorët e kanë falënderuar nënkryetarin Mazreku dhe Komunën e Malishevës, për rregullimin e rrugëve në lagjet e tyre. Nuhi Shala, anëtar i kryesisë së fshatit Banjë, tha se “Banja, si njëri nga fshatrat më të mëdha, ka shumë nevoja për rregullimin e infrastrukturës, ndërsa rregullimi i rrugëve në lagjet e Telakëve, Begajve dhe Hazrollëve, ka qenë mëse i nevojshëm, pasi asnjëherë në këto lagje nuk është investuar në infrastrukturën rrugore”.

Drejtori i urbanizmit, Ahmet Morina, tha se “këto rrugë që po asfaltohen, janë pjesë e projekteve, të cilat janë miratuar në Kuvendin e Komunës së Malishevës dhe komuna është duke i realizuar këto projekte, në të gjitha fshatrat, dhe këto janë pjesë e planifikimeve komunale, për rregullimin e tërësishëm të infrastrukturës rrugore, me qëllim të krijimit të kushteve më të mira për të gjithë banorët e Komunës së Malishevës”.

Banja, është një prej vendbanimeve më të mëdha në Komunën e Malishevës, si dhe është një prej vendeve më turistike në vend, sidomos gjatë stinës së verës, për shkak të pishinave natyrale, me ujë termal dhe ujë shërues.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara