Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pensionistët kanë thënë se kërkesa që ju bëhet atyre për të dëshmuar se janë gjallë është cenim i dinjitetit të tyre. Ata kanë thënë se kjo është fyese dhe e padurueshme për raste të caktuara. Pensionistët kanë përkujtuar se ka raste kur ka njerëz të sëmurë, të paralizuar ose me karroca invalidore dhe është e pamoralshme të kërkohet nga ata që të lajmërohen nëpër institucione përkatëse për të dëshmuar se janë gjallë. Nga ana tjetër, në ligjin për skemat pensionale të financuara nga shteti është paraparë që pensionistët të lajmërohen çdo gjashtë muaj që janë gjallë. Edhe Avokati i Popullit, Hilmi Jashari ka thënë se kjo është cenim i dinjitetit të pensionistëve. Ai ka thënë se është një mundësi që Qendrat për Punë Sociale të cilat janë në të gjitha komunën, të bëjnë vizita tek familjet nëse dëshirojnë që të arsyetojnë se nëse një person është në jetë.
