Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Këshillit Kombëtar të Nismës për Kosovën, Jakup Krasniqi, ka reaguar me anë të një postimi ndaj deklaratës së kryeministrit Isa Mustafa në lidhje me demarkacionin. “Ai kërkesën e opozitës, të ekspertëve të pavarur dhe te qytetarëve për të rishikuar demarkacionin më Malin e Zi, po thotë: ‘Konsideroj po ashtu se nuk ka asnjë kauzë politike si dhe asnjë luftë politike që arsyeton që t’i mbajmë peng qytetarët tanë, t’ju mohohet e drejta e lëvizjes së lirë, e drejta që ata të jenë të barabartë me qytetarë tjerë evropianë’. Kryeministër, kërkesa për të bërë demarkacionin me Malin e Zi pa humbur territor Republika e Kosovës, kërkesa për të bërë bisedime, si shteti me shtet me Serbinë, pa humbur sovranitet e pa nda sovranitet në raport me Serbinë, nuk janë kauza e as luftë politike për izolimin e Republikës e as të qytetarëve të saj?!”, ka deklaruar Krasniqi. Ai ka theksuar se në rrethana normale, këtë kauzë politike e luftë politike, do të duhej ta bënit ju, drejtuesit e shtetit. “Ju Republikës shtet ia vendoset një fusnotë, e cila fusnotë në disa aspekte të rëndësishme politike e kthej Kosovën para 17 shkurtit 2008?! Para pak dite BE-ja ua liberalizoj vizat qytetarëve të disa ish-Republikave Sovjetike, të cilat jo vetëm që nuk e kanë përfunduar demarkacionin, por kanë probleme të mëdha territoriale me Rusinë! Pse ato nuk e kishin kusht demarkacionin? Pra, Kryeministër demarkacioni nuk është problem, pse qytetarëve të Kosovës nuk u është liberalizuar lëvizja e lirë në Zonën Shengen. E keni për obligim, qytetarëve të Kosovës tua tregoni pengesat reale për liberalizimin e vizave! Qeverisja e juaj dhe e aleatit tuaj në qeverisje është pengesa kryesore, mbase dhe e vetme që po i izolon qytetarët e Kosovës dhe askush tjetër”, ka thënë Krasniqi.
