Komuna e Mitrovicës mbështet perimekulturën me rreth 250,000 euro

05/04/2017 Institucionet

Komuna e Mitrovicës, përmes Drejtorisë për Bujqësi dhe Zhvillim Ekonomik, përgjatë vitit 2014-2017 ka mbështetur fuqishëm sektorin e  kulturës, gjegjësisht serrave të mbyllura. Deri më tani sipas drejtorit të  Drejtorisë për Bujqësi dhe Zhvillim Ekonomik, Nasuf Aliu , thuhet se janë realizuar projekte rreth 250,000 euro, duke përfituar kështu rreth 200 përfitues. Këto projekte u realizuan nga mbështetja direket e trefishimit të buxhetit komunal, donacioneve të përfituara si dhe participimit nga përfituesit. Në këtë fushë edhe të mërkurën u mbështetën 30 fermerë me serra nga 200m2 dhe 50m2, në vlerë 30,000 euro, projekt i bashkëfinancuar në mes të komunës së Mitrovicës dhe fermerëve. Me këtë rast, Kryetari i Komunës  së Mitrovicës Agim Bahtiri, uroj përfituesit e serrave dhe deklaroj se ndjehet i lumtur që perimekultura dhe në përgjithësi bujqësia në Komunën e Mitrovicës po faktorizohet si një sektor shumë i rëndësishëm për zhvillimin e ekonomive familjare dhe se këto projekte po ndikojnë pozitivisht në tregun e vendit duke u zëvendësuar prodhimet e huaja me ato vendore. Po ashtu  kryetari Bahtiri, deklaroj se Komuna e Mitrovicës në bazë të mundësive është vazhdimisht në përpjekje për të rritur buxhetin e Drejtorisë për Bujqësi dhe Zhvillim Ekonomik, e gjitha kjo në mënyrë që të kemi sa më shumë përfitues dhe zhvillim të vendit. Në anën tjetër drejtori i Drejtorisë për Bujqësi dhe Zhvillim  Ekonomik, Nasuf Aliu, falënderoj stafin për angazhim përball nevojave që fermerët kanë, ai po ashtu uroj  fermerët përfitues, duke veçuar përgëzimin që rinia dhe gratë fermerë janë në rritje për t’iu përkushtuar bujqësisë. Me këtë rast drejtori Aliu, bëri edhe një rrumbullakësim të mbështetjes për bujqësinë përgjatë këtyre 3 viteve, ai njëkohësisht shpalosi edhe Buxhetin Komunal për 2017 me të cilin rast inkurajoj fermerët për aplikim dhe rritje të interesimit të ndërsjellët për diskutim të përbashkët dhe nxitje të debatit për pika të rëndësishme në interes të qytetareve. Fermerët përfitues shprehën falënderim për Kryetarin Bahtiri, dhe drejtorin e Bujqësisë dhe Zhvillimit Ekonomik, ku njëri ndër përfituesit Abedin Rrustemaj, veçoi se ky projekt është në nxitje për punimin e tokës dhe rritjen e fermave tona bujqësore, ai po ashtu  tha  se mbetet me shpresë që edhe në të ardhmen do të kemi mbështetje të tilla.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara