Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja e Historianëve të Kosovës “Ali Hadri” dega në Deçan, kërkon nga ana e organeve të drejtësisë në Francë që sot të lirojnë ish-komandantin e UÇK-së dhe ish-kryeministrin e Kosovës Ramush Haradinaj. “Ish kryeministri Haradinaj, është duke u mbajtur pa drejtësisht në mbajtje nga ana e organeve franceze, kur dihet se ai ka drejtuar njërën nga zonat me të rëndësishme gjatë luftës çlirimtare me 1998-1999 dhe pastërtia e tij në drejtimin e kësaj lufte është dëshmuar dy herë nga drejtësia ndërkombëtare në Hagë. Haradinaj, është njëri nga liderët që me se shumti i ka dhënë Kosovës. Ai dhe familja e tij janë vet simboli i lirisë se Kosovës”, thuhet në komunikatën e Lidhjes se Historianëve të Deçanit. Ata gjithashtu u bëjnë thirrje të gjitha vendeve anëtare në INTERPOL që të mos i marrin në konsideratë flet-arrestet e lëshuara nga Serbia për qytetarët e Kosovës. “Ne e kemi theksuar me parë e ritheksojmë prapë se është Serbia ajo që ka bërë gjenocid kundër shqiptarëve të Kosovës dhe kjo me se miri dëshmohet me plagët e hapura që ka në shumë familje anë e kënd Kosovës, kur edhe sot e kësaj ditë ende dihen pasojat e vrasjeve, dhunimeve dhe zhdukjeve e mijëra vetave”, thuhet në reagim.
