Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Lëvizjes Vetëvendosje, Albulena Haxhiu, ka lëshuar mbledhjen e Komisionit Parlamentar për Punë të Jashtme, ku po diskutohej për dialogun Kosovë-Serbi. Pas një replike, lidhur me shkeljen e kushtetutës për rastin e AKS-së, deputeti i LDK-së, Muhamet Mustafa, iu kishte drejtuar deputetes Haxhiu me fjalët: Rri aty, mos fol! Deputetja Haxhiu ka konsideruar se me një arrogancë të tillë, deputeti Mustafa, ka cenuar integritetin e saj si femër dhe si deputete, andaj edhe e ka lëshuar mbledhjen në mënyrë demonstrative. Sjellja dhe arroganca e tillë e ish komunistëve të Titos, si puna e këtij, Muhamet Mustafës, e të tjerëve si ky, dëshmon mujsharinë e tyre të lindur despotike, të një kohe të perënduar, të kohës së robërisë serbe e sllave në Kosovë, të cilës i kanë shërbyer verbërisht. Ajo kohë po vazhdon të jetë e pranishme në mendjet e tyre të robëruara, të mësuara për të dhënë urdhra dhe për ta ngulfatur fjalën e shprehjen e lirë, në Kosovën e lirë, për çlirimin e së cilës nuk kanë dhënë asnjë qime floku, në kohën kur është derdhur rrëke gjaku i dëshmorëve e martirëve…
