Bizneset që nuk respektojnë afatet e kontratës rrezikojnë që tu shkëputen ato

24/04/2017 Institucionet

Kryetari i Komunës së Mitrovicës, Agim Bahtiri, ka thirrur në një takim pronarët e kompanive që kanë përfituar troje për ndërtimin e objekteve për bizneset e tyre në Zonën e Lirë Ekonomike, në Frashër, për t’ua përkujtuar obligimet kontraktuesve. Fillimisht kryetari Bahtiri ju ka thënë atyre se komuna ka bërë një punë të mirë në përgatitjen e hapësirës për ndërtimin e objekteve, duke përfshi këtu edhe hapjen e rrugëve dhe vendosjen e trafo-stacionit të rrymës. “Shumë shpejtë aty do të ketë edhe ujë dhe do të rregullohet kanalizimi. Kemi mundur ta asfaltojmë edhe rrugën, por këtë nuk po e bëjmë me qëllim, pasi qarkullimi i automjeteve të rënda me materiale të ndryshme që ju duhen juve për ndërtim, do ta dëmtonin atë. Prandaj, kur punimet të përfundojnë, asfaltimi i rrugës do të bëhet menjëherë”, tha Bahtiri. Kryetari Bahtiri ju ka thënë pronarëve të kompanive se kanë qenë të obliguar sipas kontratës që të fillojnë procedurat për marrjen e lejeve përkatëse nga komuna dhe fillimin e ndërtimit të objekteve për çka edhe u është dhënë prona komunale. “Kushtet për fillimin e punëve për ndërtimin e fabrikave dhe objekteve tjera ekzistojnë. Ju keni qenë të obliguar që deri tash t’i merrni lejet përkatëse nga komuna. Ato brenda dy-tri ditësh merren, pasi që stafi është i obliguar që me prioritet të punoj për ju. Nëse nuk i merrni lejet dhe nëse nuk e filloni punën për ndërtimin e objekteve në afatin e kontraktuar, menjëherë do të rishqyrtohet kontrata e nënshkruar dhe ajo mund të shkëputet”, ju ka thënë pronarëve të kompanive kryetari Bahtiri.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara