Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Akademik, Rexhep Qosja, me një shkrim të gjatë në rrjetin social, ka kritikuar ashpër politikat e kryetarit të Partisë Demokratike në Shqipëri, Lulzim Bashës dhe të paraardhësit të tij, Sali Berishës. Në kritikën e tij, Qosja ka edhe shumë akuza për Bashën dhe veprimtarinë e tij politike e publike. Sipas tij “shumë prej të dhënave imagjinare me të cilat kundërshqiptari Dik Marti e akuzon UÇK-në për krime lufte, janë të ‘dhëna’ me të cilat Dik Martin, siç thuhet e shkruhet, e ka furnizuar edhe Lulzim Basha me bashkëpunëtorët e tij në Kosovë nga radhët e LDK-së”. Ai ultimatumet e Bashës për qeverinë e Ramës i ka quajtur staliniste. “Ultimatumet staliniste të Sali Berishës dhe çirakut të tij mendjepaktë e zëmadh politik, Lulzim Bashës, kërcënimet se s’do lejojnë zgjedhje, zgjedhje pa u pranuar ultimatumet e tyre për rrënimin e qeverisë shqiptare, shpërfillja e tij kur e kur agresive e fyese ndaj e diplomatëve dhe përfaqësuesve politikë amerikanë e evropianë, kërcënimet ndaj jetës së kryeministrit Edi Rama, paralajmërimi i mosbindjes qytetare në gjithë Shqipërinë – të gjitha këto janë veprime që synojnë paralizën e shtetit, në të vërtetë tragjedinë e vitit 1997!”, ka shkruar nder të tjera Qosja.
