Qendra Tregtare në Mitrovicë iu dorëzua Operatorit ekonomik “Emona” sh.p.k

04/05/2017 Institucionet

Pasi kanë përfunduar të gjitha procedurat e nevojshme ligjore dhe janë kryer formalitetet e duhura, kryetari i Komunës së Mitrovicës, Agim Bahtiri dhe drejtori i Operatorit ekonomik “Emona”, sh.p.k, nga Vushtrria, Shaip Mikullovci, kanë nënshkruar kontratën për dhënien e pronës së paluajtshme të Komunës së Mitrovicës në shfrytëzim afatshkurtër, përkatësisht për dhënien me qira të Qendrës së re Tregtare afër Ibrit, Operatorit ekonomik “Emona”, sh.p.k. Kryetari Bahtiri, pasi ia dorëzoi çelësat opretorit kontraktues, tha me këtë rast se po bëhet një zgjidhje e mirë për funksionalizimin e pronës së paluajtshme të komunës-Qendrës Tregtare. “Presim që këtë ndërtesë të bukur dhe shumë funksionale, Operatori ekonomik “Emona”, ta funksionalizoj  dhe  kjo të bëhet një qendër moderne afariste, atraktive për qytetarët e të dyja komunave të Mitrovicës, asaj veriore dhe kësaj jugore. Qytetarët do të kenë mundësi për të bërë tregti dhe për të plotësuar kërkesat e tyre të ndryshme sa i përket furnizimit dhe shfrytëzimit të  shërbimeve që qendra do të ofroj”, tha ai ndër të tjera. Objekti afarist Qendra Tregtare ka një sipërfaqe të tërësishme  prej 20.583 metra katrorë dhe pjesën e  parkingut të jashtëm në sipërfaqe prej 2.439 metra katrorë.  Çmimi total i qirasë  mujore do të jetë 41.100 euro, të cilat operatori ekonomik do të paguaj në konton e komunës së Mitrovicës, si dhe tatimin mbi vlerën e shtuar. Kontrata është nënshkruar për periodën 15 vjeçare.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara