Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në Prishtinë u mbajt takimi i radhës konsultativ për themelimin e Komisionit për të Vërtetën dhe Pajtimin. Gjatë fjalës para pjesëmarrësve, kryetari, Hashim Thaçi paraqiti draftin e projekt-rregullores, me të cilin do të dekretohet themelimi i këtij komisioni. Me këtë rast, ai theksoi se ideja për krijimin e Komisionit për të Vërtetën dhe Pajtimin, përveç shoqërisë civile ka marrë përkrahje edhe nga ekspertë ndërkombëtarë dhe organizata ndërkombëtare, që janë të gatshëm të mbështesin në forma të ndryshme projektin. Dekreti me të cilin do të themelohet komisioni, duhet të garantojë pavarësi, paanshmëri dhe gjithë përfshirje dhe ne jemi të sigurt që pajtimi ndëretnik në Kosovë do të ndodhë, theksoi kryetari, Hashim Thaçi. Ndërkohë, ka reaguar kryetari i Këshillit për Mbrojtjen e të Drejtave dhe Lirive të Njeriut, Behxhet Shala. Ai theksoi se projekt rregullorja e paraqitur nga kryetari Hashim Thaçi është jo serioze dhe se ka gabime logjike dhe përmbajtjesore.
