leoni

“Bakaja” në Shtupel të Klinës së shpejti me rrugë të asfaltuar

18/05/2017 Institucionet

Infrastruktura rrugore në zonat urbane dhe rurale të Komunës së Klinës çdo ditë e më tepër po rregullohet. Të enjten, kryetari i Komunës së Klinës, Sokol Bashota ka përcjellë nga afër fillimin e punimeve për asfaltimin e rrugës në lagjen “Bakaja” të fshatit Shtupel të Klinës, e cila do të krijojë lehtësi në qarkullim për 40 familje të kësaj lagje.

Rruga është e gjatë 1.3 km dhe ka kushtuar 61 mijë euro. Banorët i janë gëzuar asfaltimit të rrugës, pasi që sipas tyre ka pasur telashe të mëdha në lëvizje sidomos gjatë stinës së dimrit.

Kryetari i Komunës së Klinës, Sokol Bashota, ka uruar banorët për këtë projekt. “ Ky investim do të lehtësojë qarkullimin në këtë zonë, duke përmirësuar edhe komunikimin mes disa rrugëve. Asfaltimi i kësaj rrugë i financuar nga Komuna e Klinës ka një rëndësi të madhe për ju. Pushteti lokal ka vizionin e qartë, zhvillimin ekonomik dhe qeverisje efektive në shërbim të qytetarëve. Ky përurim është vetëm simbolik, për të treguar se asnjë fshat i komunës së Klinës nuk do të mbetët pasdore ”, ka thënë Bashota.

Në komunën e Klinës së shpejti pritet të fillojnë edhe disa projekte për rregullimin e infrastrukturës rrugore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara