Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Serbët e Kosovës takuan kreun e Serbisë, Aleksandar Vuçiç. Qeveria e Beogradit mbështet pjesëmarrjen e serbëve në zgjedhjet e Kosovës. Por, të gjithë serbët duhet të votojnë për “Listën Serbe”. Kandidaturat e tjera janë në dobi të partive shqiptare. Zgjedhjet janë të rëndësishme për mbijetesën e serbëve, u tha në konferencë, por serbët e Kosovës udhëzohen të mos votojnë për serbët e shqiptarëve. “Vetëm Lista Serbe mund ta ruajë lidhjen mes serbëve të Kosovës dhe Beogradit. Vetëm ata mund ta ruajnë këtë lidhje mes Kosovës e Metohisë dhe shtetit të Serbisë”, tha Marko Djuriç, nga Zyra për Kosovën në Qeverinë e Serbisë. Serbët e Kosovës ishin unik vetëm në një palë zgjedhje. Tashmë u kthyen në origjinë dhe do të garojnë në 6 lista të ndara. Vota e tyre është e rëndësishme për shumë procese në Kosovë. “Kemi votuar dhe bllokuar të gjitha ato propozime, që kanë qenë në dëm të popullit serb. Kemi vepruar të bashkuar, pavarësisht individëve që kanë qenë instrumente të Prishtinës”, tha Slavko Simiç, nga “Lista Serbe”. Serbët në Kosovë kanë 10 vende të garantuara në Kuvend. Por një pjesë e tyre duket se janë kundër idesë së një liste të përbashkët. Zyrtarët e qeverisë serbe kanë ftuar të gjitha partitë politike të Kosovës, që të mos bëjnë marrëveshje me shqiptarët përpara zgjedhjeve, pasi kjo do të ishte në dëm të interesave të serbëve. Ata kanë vlerësuar se vota për “Listën Serbe” është zgjidhja e vetme.
