Jashanica dhe Perçeva bëhen me objekte të reja shkollore 

30/05/2017 Institucionet

Infrastruktura shkollore në Komunën e Klinës po modernizohet falë orientimit të investimeve të pushtetit lokal në këtë fushë duke krijuar kushte shumë më të mira për nxënës dhe arsimtarë në procesin edukativo-arsimor. Në dy ceremoni të ndara, është përuruar objekti shkollor 9 vjeçar i Shkollës Fillore të Mesme të Ulët “ Tre Dëshmorët” në fshatin Jashanicë dhe “ Dëshmorët” në fshatin Perçevë të komunës së Klinës për të cilat qeveria komunale ka investuar mbi 700 mijë euro. “ Me ndërtimin e këtyre objekteve shkollore, për nxënësit dhe mësimdhënësit e shkollave të Jashanicës dhe Perçevës, ofrohet mundësia e realizimit të objektivit të ngritjes së cilësisë në mësim dhe vazhdimin e reformës arsimore të filluar më herët. Pa arsimim nuk ka zhvillim të mirëfilltë ekonomik. Ne e mbajmë fjalën. Po ndërtojmë infrastrukturë të re shkollore në mënyrë që nxënësit të edukohen, të arsimohen dhe të ecin në drejtim të forcimit dhe të ndërtimit të shtetit të Kosovës. Përmirësimi i kushteve infrastrukturore është vetëm gjysma e punës për ngritjen e cilësisë, gjysma tjetër e punës ju mbetet juve mësimdhënësve për të plotësuar këtë obligim kombëtar, të cilin Qeveria Komunale në Klinë e ka vënë prioritet. Nga sot në këto vatra shkollore po hapim perspektiva të reja për arsimimin dhe edukimin e nxënësve. Zhvillimi në arsim u paraprinë gjitha zhvillimeve tjera”, ka thënë kryetari i Komunës së Klinës, Sokol Bashota në ceremoninë përuruese të këtyre shkollave. Nxënës e prindër të këtyre dy fshatrave kanë shprehur mirënjohje për kryetarin Bashota, për angazhimin në ndërtimin e godinave shkollore moderne me standarde evropiane.

Kontrolloni gjithashtu

Kuvendi Komunal i Vitisë mbajti mbledhjen e 11-të të rregullt

Në seancën e sotme të Kuvendit Komunal të Vitisë, e njëmbëdhjeta me radhë, janë shqyrtuar …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara