Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Alojz Peterle, shef i misionit të vëzhguesve të zgjedhjeve nga Komisioni Evropian, ka vizituar shkollën fillore “Naim Frashëri”, në Prishtinë , për të parë nga afër procesin zgjedhor. Ai tha se deri tash nuk kanë vërejtur ndonjë problem. Por shqetësim i tij është shkelja ligjore, ai tha se kanë vërejtur në disa qendra ka më shumë agjentë partiak se sa që lejohet.“Po tentojmë me i vizitu 500 deri në 600 vend votime me vëzhguesit tonë afatgjatë dhe afate shkurtër. Jemi duke u munduar me i mbulua gjithë territorin e Kosovës me metodologjinë tonë. Situata që i kanë vëzhguar deri tash është normale e qetë. Si e pashë edhe unë vetë këtu. Nuk kemi vëzhguar ndonjë problem të veçantë deri tash. Duket shumë atmosferë e qetë. I vetmi element që po na shqetëson pakë është që në disa vendvotime ka më shumë agjentë të parive se sa lejon ligji. Do të thotë më shumë së më shumë se 2 prej një partie. Shpresojmë edhe presim që kjo ka me qenë gjendja e përgjithshme. E dimë që partitë lejohen me i pas ka dy agjentë. E disa i kanë dërguar edhe më shumë. Ndoshta ky është problemi me kuptimin e ligjit. Nuk i kanë shikuar detajet, vëzhguesit kanë me i pasur raportin e saktë në fund të ditës”, ka thënë Peterle. Ai shpreson që ky rast do të mbetet, rast i izoluar.
