Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendësministri në detyrë i Shëndetësisë, Izet Sadiku, ka pritur sot në takim Cristoph Hamelmann, udhëheqës i Zyrës Evropiane për investime për Shëndetësi dhe Zhvillim me seli në Vendik të Italisë. Në këtë takim zëvendësministri Sadiku e ka njoftuar delegacionin e OBSh-së për zhvillimet në shëndetësi, përgatitjet për sigurime shëndetësore, Sistemin e Informimit Shëndetësor, Odat e profesionistëve shëndetësor, me theks bartjen e disa përgjegjësive nga ministria tek komunitetet mjekësore. Sadiku ka falënderuar OBSh-në për bashkëpunim të vazhdueshëm si dhe përkrahjen të cilën kjo organizatë ia ka dhënë shëndetësisë kosovare në shumë fusha. Ndërkaq udhëheqës i Zyrës Evropiane për investime për Shëndetësi dhe Zhvillim me seli në Vendik të Italisë, Cristoph Hamelmann, ka theksuar se është i informuar mirë për punët e Zyrës së OBSh-së në Kosovë. “Zyra jonë në Venedik merret me tematika specifike, kryesisht me sistemin e shërbimeve shëndetësore; gjithëpërfshirjen në shërbime shëndetësore, qeverisjen e mirë, etj”, është shprehur ai, duke shprehur interesimin për të ndihmuar ministrinë edhe përmes stimulimit të prodhimit të produkteve mjekësore dhe pajisjeve në Kosovë.
