leoni

Ushtrimi fushor “Mirusha 2017” në fazën finale të përgatitjeve

21/06/2017 Institucionet

Është mbajtur takimi i rregullt i grupit punues për përgatitjen e ushtrimit fushor “Mirusha 2017”, që duhet të mbahet më 11 dhe 12 korrik të këtij viti. Përgatitjet për mbajtjen e këtij ushtrimi kanë hyrë në fazën finale. Ky ushtrim fushor organizohet nga Drejtoria për Mbrojtje dhe Shpëtim e komunës së Malishevës, në bashkëpunim me Agjencinë për Menaxhimin e Emergjencave (AME), ndërsa qëllimi i këtij ushtrimi është, verifikimi i kapaciteteve në rastet emergjente. Në këtë takim, u tha se përgatitjet kanë hyrë në fazën finale dhe se janë duke koordinuar aktivitetet që do të zhvillon me rastin e mbajtjes së këtij ushtrimi fushor, në të cilin do të marrin pjesë, të gjithë faktorët për menaxhimin e emergjencave eventuale, ku përfshihen organet përgjegjëse komunale, ekipet e zjarrfikësve dhe shpëtimit, Policia e Kosovës, shërbimet shëndetësore, organizatat, Kryqi i Kuq dhe faktorët tjerë, të cilët kanë obligime në rastet emergjente. Në takim është prezantuar skenari i përgatitur nga drejtoria për mbrojtje dhe shpëtim dhe AME, ku përfshihet planifikimi, komunikimi dhe të gjitha çështjet tjera që ndërlidhen me rastet emergjente, si dhe obligimet e sektorëve tjerë, të përcaktuara sipas ligjeve dhe rregulloreve, për rastet emergjente. Ushtrimi fushor “Mirusha 2017”, është i pari i këtij lloji që do të mbahet në Malishevë, ndërsa do të inskenohen tri raste të emergjencave, si vërshime, zjarre dhe aksidente në komunikacion, që vijnë si pasojë e kushteve atmosferike. Ky ushtrim do të mbikëqyret nga organet përgjegjëse vendore dhe ndërkombëtare.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara