Stadiumi i qytetit në Malishevë me emrin e dëshmorit të kombit Liman Gegaj

30/06/2017 Institucionet

Kuvendi i Komunës së Malishevës, i drejtuar nga kryesuesi Aziz Thaçi, mori disa vendime me rëndësi, si miratimi i draft Kornizës Afatmesme Buxhetore (KAB) dhe emërtoi stadiumin e qytetit me emrin e dëshmorit të kombit Liman Gegaj. Fillimisht, anëtarët e Kuvendit të Komunës së Malishevës, pas shqyrtimit të kërkesës së Kryetarit Ragip Begaj, për emërtimin e stadiumit të qytetit me emrin e dëshmorit Liman Gegaj, emër i cili gjithashtu e kishte përkrahjen e plotë të të gjitha shoqatave të dala nga lufta e UÇK-së, morën vendim për këtë emërtim dhe nga tani stadiumi i qytetit do të ketë emrin e dëshmorit Liman Gegaj. Më pas, KK i Malishevës, mori vendim edhe për përkrahjen financiare, të stacionit të autobusëve në Malishevë, në formë të huadhënies. Pas kësaj, para anëtarëve të KK të Malishevës, nga ana e drejtorit të Drejtorisë për Buxhet dhe Financa, Vesel Krasniqi, është paraqitur draft Korniza Afatmesme Buxhetore (KAB), e cila është miratuar nga ana e anëtarëve të KK. Sipas KAB 2018-2020, Komuna e Malishevës, në vitin 2018, parashihet të ketë një ngritje të buxhetit. KK ka miratuar edhe Planin e Veprimit Lokal Rinor 2017-2019, plan i cili para anëtarëve të kuvendit, është paraqitur nga drejtoresha e Drejtorisë për Kulturë, Rini dhe Sport, Blerta Krasniqi. Kuvendi i Komunës, po ashtu ka miratuar edhe një kërkesë të një qytetari për ndërrim destinim të tokës, nga tokë bujqësore në tokë ndërtimore. Kuvendi i Komunës së Malishevës, ka shqyrtuar edhe kërkesën e kryesisë së fshatit Dragobil, lidhur me pronën e dhënë për një kompani, për ndërtimin e një fabrike për riciklim të mbeturinave, dhe e cila është kundërshtuar nga banorët. Sipas njoftimit të dhënë në KK, kompania aktualisht i ka ndërprerë punimet, ndërsa anëtarët e KK, kërkuan që në asnjë mënyrë të mos lejohet devijimi nga kontrata dhe të mos lejohen ndërtime pa leje dhe jashtë kontratës me komunën.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara