Sami Lushtaku para se të shkojë në familja ka bërë homazhe para varrit të Komandantit Legjendar, Adem Jashari

Kryetari i Komunës së Skenderajt Sami Lushtaku shpallet i pafajshëm dhe lirohet nga paraburgimi

04/07/2017 Institucionet

Kryetari i Komunës së Skenderajt Sami Lushtaku është liruar nga paraburgimi me vendim të Gjykatës Supreme duke u shpallur i pafajshëm për akuzat për krime lufte. Kryetari Lushtaku menjëherë pas lirimit nga burgu i sigurisë së lartë ka udhëtuar për në Prekaz ku i shoqëruar nga familjarë, bashkëpunëtorë dhe bashkëluftëtarë ka bërë homazhe pranë varrit të Komandantit Legjendar Adem Jashari dhe të Familjes Jashari. Me rastin e lirimit të Lushtakut shumë qytetarë të Skenderajt e kanë pritur atë me gëzim në sheshin Adem Jashari duke festuar lirimin e tij me këngë valle dhe fishekzjarre. Kryetari Lushtaku me këtë rast u është drejtuar qytetarëve të mbledhur duke shprehur respektin dhe falënderimin për përkrahjen e vazhdueshme të treguar ndaj tij edhe në momentet më të vështira. Ai ka kërkuar që qytetarët të jenë të bashkuar në ndërtimin e Skenderajt dhe Kosovës. Lushtaku është shprehur i brengosur për qëndrim prapa grilave të Sylejman Selimit dhe bashkëluftëtarëve të tjerë të tij. Ai më tej ka thënë se UÇK-ja është e shenjtë dhe do ta mbrojmë kudo që jemi, sepse është gjaku, mundi dhe sakrifica e të gjithë neve. Sami Lushtaku në krye të Komunës së Skenderajt është zgjedhur në vitin 2013 me 90 përqind të votave të qytetarëve të Skenderajt.

Kontrolloni gjithashtu

Kryetari Aliu ngushëllon familjen Shaqiri, me rastin e ndarjes nga jeta të të gazetarit të mirënjohur Sylejman Shaqiri

Me dhembje e pikëllim të thellë, morëm lajmin për ndarjen nga jeta të gazetarit të …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara