Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa medie në Kosovës kanë vrapuar për të na sjell një deklaratë të njëfarë Drecun-it, (një mbrojtësi fanatik të krimeve e të gjenocidit serb në Kosovë), dhe kjo nuk është hera e parë, që gjerat e tilla thuhen për Gjykatën Speciale e sidomos për ndjekjen e përndjekjen për gjoja të ”krimet” e pjesëtarëve të Ushtrisë Çlirimtare të Kosovës ?! Në medie, sot më 5 korrik 2017 lexova se Drecun-i paska thënë se:
“Gjykata Speciale për krimet e luftës së ish-zyrtarëve të Ushtrisë Çlirimtare të Kosovës është përpjekja e fundit nga ana e komunitetit ndërkombëtar për të ndjekur penalisht krimet e kryera nga siç ka thënë ai “pjesëtarët e UÇK-së kundër serbëve dhe joshqiptarëve të tjerë”.
Nuk po them për akuzat e të tjerëve që i përtypin e ripërtypin akuzat ndaj pjesëtarëve të UCK-së, si për shembull për ndërkombëtarët dhe vet shqiptarët që e akuzojnë Ushtrinë Çlirimtare të Kosovës, gjoja për “krime të luftës”, por po e them për secilin zyrtarë të Serbisë, nisur nga Kryetari i shtetit e të poshtë deri të Drecuni e kompani, që se pari, ata duhet t’i “pastrojnë” krimet dhe gjenocidin e shtetit të tyre – Serbisë, të ushtruara me një barbari të paparë në ndërrimin e dy mijëvjeçarëve, që pastaj t’i drejtojnë shigjetat kundër çlirimtarëve të Kosovës. Se dyti, akuzat që vijnë nga Serbia për gjoja krimet e UÇK-së, janë në shërbim të përpjekjeve për vazhdimin e krimit e të gjenocidit në rrethana të reja mbi shqiptarët në përgjithësi e ata të Kosovës në veçanti..
Ajo që dihet është se: Heshtja e krimit dhe e gjenocidit serb dhe akuzat e sforcuara ndaj pjesëtarëve të UÇK-së, janë nëse jo krim, padrejtësi tepër e madhe që i bëhet kombit shqiptar dhe të ardhmes së tij. Është shtrembërim i një realiteti të hidhur e mirë të njohur botërisht, është shtrembërim i historisë dhe i se ardhmes se shtetit të Kosovës dhe qytetarëve të tij.
Deklaratat e tilla pa asnjë dyshim janë: fyerje për kombin shqiptar e në mënyrë të veçantë për çlirimtarët dhe liridashësit e djeshëm e të sotshëm. Prandaj nuk është edhe aq e domosdoshme që të na serviren përditë para syve fytyra të tilla kriminale?! Që assesi as sot e kësaj dite nuk po mund të pendohen për krimet e gjenocidin e ushtruar, sidomos në luftën e fundit gjatë viteve: 1998 – 1999.
