Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në kohën kur Kosova po trajtohet si shtet xhihadist nga Serbia dhe mbetjet e Serbisë në Kosovë, ka filluar fushata kundër ndërtimit të një Xhamie të Madhe në Prishtinë. Fillimisht fushata ka nisur me peticione, pastaj me interpretime për e kundër të jugo-gazetarëve dhe analistëve, për ta zemëruar edhe Myftiun e Kosovës i cili zakonisht jep fjalë të mëdha plot qe 18 vjet për ndërtimin e xhamisë. Ai ka thënë për mediet se nuk dëshiron të komentojë fare peticionin e disa anëtarëve të shoqërisë civile lidhur me kundërshtimin e tyre për projektin e Xhamisë së Madhe në Prishtinë, por qëndron prapa deklarimeve që i ka dhënë në intervistën e fundit në RTK, ku ka thënë se xhamia do të ndërtohet pa leje nëse Komuna nuk e lëshon një dokument të tillë. Është vështirë e besueshme se në Kosovë mund të ndërtohet një xhami e përmasave të tilla pa lejen e komunës, po të jetë kishë serbe, leja merret në Beograd, dhe nuk pyetet fare komuna e Shpend Ahmetit, po të jetë Katedrale, leja merret në Vatikan, pa pyetur kënd, madje duke prishur në themele një shkollë kombëtare që kishte bërë emër për 70 vjet, por për xhami ndryshon puna. Përpjekja e ndërtimit të Xhamisë në Prishtinë pa lejen e Komunës pëson fatin e xhamisë në Zemun, afër Beogradit, e cila u rrënua më 26 maj 2017.
